Internetek marka bat sortzeko eta garatzeko bide berriak ematen ditu, funtsezkoa baita atal hori edozein motatako enpresetan. Horregatik, bada, arreta handiz begiratu behar ditugu merkatuko eragile guztiak eta aldagai kritikoak artatu. Marketin digitaleko estrategia bat eta bitarteko berrietara bikain egokitutako komunikazioa funtsezkoak dira gaur egun aldatzen ari diren proiektuetan eta sortzen diren planteamendu berrietan.

Estrategia digital bat sortu nahi badugu, ulertu egin behar ditugu inguru digitaleko elementuak, operazio eredu digitalak eta diru-sarrerak zelan eratu eta ezartzen diren, bezeroari balioa emateko eta, enpresari, diru-sarrerak.
Teknologia digitaletako aurrerakuntza eta erabilera aldaketa sakonak sustatzen ari da erakundeek produktuak eta zerbitzuak erosteko eta saltzeko modu eta sistemetan, salmenta eta entregatze sistemak haien balio-katean txertatzeko.
 

Europako lineako salmentek gainditu egin zituzten Iparramerikako merkatukoak 2011n, eta munduko e-commerce-ko merkaturik handiena bihurtu zen Europa.
Bezero digitalak asebetetzeko, lineako salmentak eskatzen du enpresaren kanal ugariko estrategia definitzea, baita merkataritzako eta entregatzeko prozesu egokiak eta fidagarriak definitzea, ezartzea eta exekutatzea ere.
 

Eredu digital berrien ezarpen arrakastatsuen ebidentziak eta plataforma digitalak enpresaren estrategia betetzeko erabiltzeak erakusten dute teknologian inbertitzeari loturik, aldaketa sakonak egin behar direla egituran, prozesuetan eta erakundearen kulturan.